தமிழகம் மற்றும் ஆந்திர மாநிலங்களை இணைக்கும் முக்கியப் போக்குவரத்துக் காரிடாரான கும்மிடிப்பூண்டி – கூடூர் வழித்தடத்தில் 3 மற்றும் 4-வது புதிய இரயில் பாதைகளை அமைக்கும் பிரம்மாண்ட திட்டத்திற்கு ஒன்றிய அமைச்சரவை அதிகாரப்பூர்வமாக ஒப்புதல் அளித்துள்ளது. பிரதமர் நரேந்திர மோடி தலைமையில் நடைபெற்ற மத்திய அமைச்சரவைக் கூட்டத்தில் இத்தீர்மானம் நிறைவேற்றப்பட்டது. ரூ.2,229 கோடி மதிப்பீட்டில் செயல்படுத்தப்படவுள்ள இத்திட்டம், சென்னைக்கும் ஆந்திரா உள்ளிட்ட வடமாநிலங்களுக்கும் இடையிலான ரயில் போக்குவரத்தில் ஒரு புதிய திருப்பத்தை ஏற்படுத்தும் என எதிர்பார்க்கப்படுகிறது.
ஒட்டுமொத்தமாக இந்திய Railway வலையமைப்பை வலுப்படுத்தவும், நாட்டின் பல்வேறு பகுதிகளுக்கு இடையிலான ரயில் போக்குவரத்து நெரிசலைக் கணிசமாகக் குறைக்கவும் மத்திய அரசு பல்வேறு உள்கட்டமைப்பு திட்டங்களை முடுக்கிவிட்டுள்ளது. இதன் ஒரு பகுதியாக, மேற்கு வங்கம், ஒடிசா, தமிழகம் மற்றும் ஆந்திரா ஆகிய நான்கு மாநிலங்களில் மொத்தம் 410 கிலோமீட்டர் நீளத்திற்கு நான்கு முக்கியப் பல வழித்தடத் திட்டங்கள் செயல்படுத்தப்பட உள்ளன. ஒட்டுமொத்தமாக ரூ.9,450 கோடி மதிப்பீட்டிலான இத்திட்டங்கள் அனைத்தையும் வரும் 2030-31-ஆம் ஆண்டிற்குள் முழுமையாக முடித்து மக்கள் பயன்பாட்டிற்கு கொண்டு வர இலக்கு நிர்ணயிக்கப்பட்டுள்ளது.
இந்த நான்கு மாநிலத் திட்டங்களில், தெற்கு Railway மண்டலத்தின் மிக முக்கியமான சென்னை – கொல்கத்தா முதன்மை வழித்தடத்தில் அமைந்துள்ள கும்மிடிப்பூண்டி – கூடூர் பிரிவு முதன்மைப் பங்கு வகிக்கிறது. சுமார் 90 கிலோமீட்டர் தொலைவைக் கொண்ட இந்தப் பிரிவில் ரூ.2,229 கோடி செலவில் 3 மற்றும் 4-வது புதிய இரயில் பாதைகள் அமைக்கப்படும்போது, இப்பகுதியில் நிலவும் கடும் ரயில் போக்குவரத்து நெரிசலுக்கு முற்றுப்புள்ளி வைக்கப்படும்.
சென்னை மற்றும் அதனைச் சுற்றியுள்ள புறநகர்ப் பகுதிகளில் இருந்து ஆந்திரா, ஒடிசா, மேற்கு வங்கம் மற்றும் வடமாநிலங்களுக்குச் செல்லும் அனைத்து முக்கியமான விரைவு ரயில்களும், சரக்கு ரயில்களும் கும்மிடிப்பூண்டி – கூடூர் வழித்தடம் வழியாகவே இயக்கப்பட்டு வருகின்றன. தற்போதைய நிலையில் இரண்டு பாதைகள் மட்டுமே பயன்பாட்டில் உள்ளதால், பயணிகள் ரயில்களுக்கும் சரக்கு ரயில்களுக்கும் இடையே தடம் ஒதுக்குவதில் பெரும் காலதாமதமும் சிரமமும் ஏற்பட்டு வருகின்றன.
தற்போது ஒப்புதல் அளிக்கப்பட்டுள்ள 3 மற்றும் 4-வது புதிய பாதைகள் அமைக்கும் பணி நிறைவடையும் போது, பயணிகள் ரயில்களும் சரக்கு ரயில்களும் தனித்தனியாகவும், கூடுதல் வேகத்திலும் இயங்க முடியும். இதன் மூலம் இந்திய Railway மூலம் இயக்கப்படும் தொலைதூர விரைவு ரயில்கள் மற்றும் புறநகர் ரயில்களின் பயண நேரம் வெகுவாகக் குறையும். மேலும், ரயில்கள் குறித்த நேரத்தில் இயக்கப்படுவதை உறுதி செய்ய முடியும் என்பதால், பயணிகளின் காத்திருப்பு நேரமும் பெருமளவில் மிச்சமாகும்.
More Read
கும்மிடிப்பூண்டி வரை இயங்கும் சென்னை புறநகர் மின்சார ரயில்களின் சேவையை எதிர்காலத்தில் மேலும் விரிவாக்கம் செய்யவும், கூடுதல் ரயில்களை இயக்கவும் இந்த புதிய இரு பாதைகள் மிகப்பெரிய அடித்தளமாக அமையும். மேலும், தொழில்நகரங்களான ஸ்ரீசிட்டி, தடா மற்றும் கும்மிடிப்பூண்டி தொழிற்பேட்டைகளுக்குச் செல்லும் தொழிலாளர்களுக்கும் இத்திட்டம் வரப்பிரசாதமாக மாறவுள்ளது.
மத்திய அமைச்சரவையால் ஒரே நேரத்தில் ஒப்புதல் அளிக்கப்பட்ட இந்த நான்கு வழித்தடத் திட்டங்களும் நாட்டின் பொருளாதார வளர்ச்சியை வேகப்படுத்தும் நோக்கில் வடிவமைக்கப்பட்டுள்ளன. பிரதமர் கதி சக்தி தேசியப் பெருந்திட்டத்தின் (PM Gati Shakti) கீழ் ஒருங்கிணைக்கப்பட்ட போக்குவரத்து உள்கட்டமைப்பை உருவாக்கும் தொலைநோக்குப் பார்வையோடு இத்திட்டங்கள் முன்னெடுக்கப்படுகின்றன.
மேற்கு வங்கம், ஒடிசா, ஆந்திரா மற்றும் தமிழ்நாடு ஆகிய மாநிலங்களில் தொழில் ரீதியாகவும், கனிம வளங்கள் மற்றும் துறைமுக இணைப்புகள் ரீதியாகவும் முக்கியத்துவம் வாய்ந்த பகுதிகளை இணைப்பதே இதன் பிரதான நோக்கமாகும். புதிய தண்டவாளங்கள் அமைப்பதன் மூலம் இரயில் பாதைகளின் திறன் அதிகரிக்கும் அதே வேளையில், நாட்டின் பல்வேறு தொழில்துறை மையங்களுக்கு இடையிலான சரக்கு போக்குவரத்து செலவுகளும் நேரமும் கணிசமாகக் குறைக்கப்படும்.
More Read
இத்திட்டங்களின் மூலம் நாட்டின் பல்வேறு துறைமுகங்களில் இருந்து நாட்டின் உள் பகுதிகளுக்குச் சரக்குகளை வேகமாகக் கொண்டு செல்ல முடியும். இது இந்திய Railway சரக்கு போக்குவரத்தை அடுத்த கட்டத்திற்கு எடுத்துச் செல்வதுடன், உலகளாவிய வர்த்தகப் போட்டியிலும் இந்தியப் பொருட்களின் விலையைக் குறைக்க உதவும்.
மத்திய அரசால் அறிவிக்கப்பட்டுள்ள இந்த நான்கு பிரம்மாண்ட திட்டங்களின் மூலம் சுமார் 6,448 கிராமங்களைச் சேர்ந்த 60 லட்சத்திற்கும் அதிகமான மக்கள் நேரடியாகப் பயனடைவார்கள் என மதிப்பிடப்பட்டுள்ளது. சென்னை, திருவள்ளூர், நெல்லூர் உள்ளிட்ட மாவட்டங்களைச் சுற்றியுள்ள கிராமப்புறப் பகுதி மக்களுக்கு இத்திட்டங்களின் கட்டுமானக் கட்டத்திலும், அதற்குப் பின்னரும் நேரடி மற்றும் மறைமுக வேலைவாய்ப்புகள் பெருமளவில் உருவாகும்.
குறிப்பாக, புதிய தொழிற்பேட்டைகள், சரக்கு முனையங்கள் மற்றும் சேமிப்புக் கிடங்குகள் உருவாக வழிவகுக்கும் என்பதால், உள்ளூர் இளைஞர்களுக்குச் சுயதொழில் வாய்ப்புகளும் அதிகரிக்கும். மேலும், இப்பகுதிகளில் விளையும் விவசாயப் பொருட்கள் மற்றும் தொழில் உற்பத்திப் பொருட்களை நாட்டின் பிற சந்தைகளுக்குக் கொண்டு செல்வது மிகவும் எளிதாகும்.
நிலக்கரி, இரும்புத் தாது, சிமெண்ட், எஃகு, வாகனங்கள் மற்றும் உணவு தானியங்கள் போன்ற அத்தியாவசியப் பொருட்கள் மற்றும் கனிம வளங்களை மிக விரைவாகக் கொண்டு செல்ல இந்த புதிய பாதைகள் உதவும். இத்திட்டங்களின் மூலம் கூடுதலாக ஆண்டுக்கு 76 மில்லியன் டன்கள் வரை சரக்குகளைக் கையாள Railway துறைக்குக் கூடுதல் திறன் கிடைக்கும். இது இந்தியாவின் ஒட்டுமொத்தப் பொருளாதார வளர்ச்சிக்கு மிகப்பெரிய தூணாக அமையும்.
