பிரபல இந்திய கேமிங் யூடியூபரான பயல் தாரே (Payal Dhare), தற்போது ஒரு மோசமான இணையச் சதியில் சிக்கியுள்ளார். கடந்த சில நாட்களாக சமூக வலைதளங்களில் Payal Gaming என்ற பெயரில் ஒரு 19 நிமிட அந்தரங்க வீடியோ வைரலாகி வருவது பெரும் அதிர்ச்சியை ஏற்படுத்தியுள்ளது. ஆனால், அந்த வீடியோவில் இருப்பது பயல் தாரே இல்லை என்பதும், அது செயற்கை நுண்ணறிவு (AI) மூலம் உருவாக்கப்பட்ட ‘டீப்ஃபேக்’ (Deepfake) வீடியோ என்பதும் தற்போது ஆதாரப்பூர்வமாக நிரூபிக்கப்பட்டுள்ளது.
மகாராஷ்டிர சைபர் போலீசாரின் அதிரடி விசாரணை
இந்த விவகாரம் தொடர்பாக மகாராஷ்டிர மாநில சைபர் கிரைம் போலீசாரிடம் பயல் தாரே புகார் அளித்திருந்தார். அவரது புகாரின் அடிப்படையில் தீவிர விசாரணை மேற்கொண்ட போலீசார், அந்த வைரல் வீடியோவை தடயவியல் ஆய்வுக்கு உட்படுத்தினர். ஆய்வின் முடிவில், அந்த வீடியோ முழுமையாகத் திருத்தப்பட்டது (Tampered) என்றும், பயல் தாரேவின் புகைப்படங்களைப் பயன்படுத்தி செயற்கை நுண்ணறிவு தொழில்நுட்பம் மூலம் மிக நேர்த்தியாக உருவாக்கப்பட்ட போலி வீடியோ (Deepfake) என்றும் போலீசார் அதிகாரப்பூர்வமாகச் சான்றிதழ் அளித்துள்ளனர்.
இந்தச் சான்றிதழை தனது சமூக வலைதளப் பக்கத்தில் பகிர்ந்துள்ள பயல், தனக்கும் அந்த வீடியோவிற்கும் எந்தத் தொடர்பும் இல்லை என்பதை உறுதிப்படுத்தியுள்ளார். Payal Gaming என்ற தனது பெயருக்குக் களங்கம் விளைவிக்கும் நோக்கில் யாரோ திட்டமிட்டு இந்தச் செயலை செய்துள்ளதாக அவர் வேதனை தெரிவித்துள்ளார்.
பகிர்பவர்களுக்கு எச்சரிக்கை: சிறை தண்டனை நிச்சயம்!
சமூக வலைதளங்களில் இந்த வீடியோவைப் பார்ப்பவர்கள் ஆர்வக் கோளாறில் மற்றவர்களுக்குப் பகிர வேண்டாம் என்று போலீசார் கடுமையாக எச்சரித்துள்ளனர். இந்த 19 நிமிட வீடியோவை வாட்ஸ்அப், டெலிகிராம் அல்லது எக்ஸ் (X) தளங்களில் பகிர்பவர்கள் மீது தகவல் தொழில்நுட்பச் சட்டம் (IT Act) பிரிவு 67 மற்றும் 67A ஆகியவற்றின் கீழ் வழக்குப் பதிவு செய்யப்படும்.
குற்றம் நிரூபிக்கப்பட்டால் 3 ஆண்டுகள் முதல் 5 ஆண்டுகள் வரை சிறை தண்டனையும், 5 லட்சம் ரூபாய் வரை அபராதமும் விதிக்கப்பட வாய்ப்புள்ளது. Payal Gaming தொடர்பான இந்தத் தவறான வீடியோவை பகிர்வது ஒரு தனிநபரின் கண்ணியத்தைக் குலைக்கும் செயல் என்பதால், பொதுமக்கள் விழிப்புடன் இருக்குமாறு கேட்டுக் கொள்ளப்படுகிறார்கள்.
More Read
பயல் தாரேவின் உணர்ச்சிகரமான விளக்கம்
இந்தச் சர்ச்சை குறித்து இன்ஸ்டாகிராமில் பதிவிட்டுள்ள பயல் தாரே, “இப்படி ஒரு தனிப்பட்ட மற்றும் வருத்தமான விஷயத்தைப் பற்றி பொதுவெளியில் பேசுவேன் என்று நான் நினைக்கவில்லை. கடந்த சில நாட்களாக எனது பெயரையும் முகத்தையும் தவறாகப் பயன்படுத்தி ஒரு வீடியோ பரப்பப்பட்டு வருகிறது. அந்த வீடியோவில் இருப்பது நான் அல்ல. அது எனது அடையாளம் அல்லது எனது வாழ்க்கையோடு எந்தத் தொடர்பும் இல்லாத ஒன்று” என்று தெளிவுபடுத்தியுள்ளார்.
மேலும், “டிஜிட்டல் உலகில் ஒருவரின் கண்ணியத்தை எவ்வளவு எளிதாகச் சிதைக்க முடியும் என்பது வேதனையளிக்கிறது. இது வெறும் திரையோடு முடிந்துவிடுவதில்லை; சம்பந்தப்பட்ட நபரின் குடும்பம் மற்றும் நிஜ வாழ்க்கையை இது கடுமையாகப் பாதிக்கும். எனக்காகவும், இதுபோலப் பாதிக்கப்படும் மற்ற பெண்களுக்காகவும் நான் குரல் கொடுக்கிறேன்” என்று உருக்கமாகப் பதிவிட்டுள்ளார்.
யார் இந்த Payal Gaming?
மத்தியப் பிரதேசத்தைச் சேர்ந்த பயல் தாரே, இந்தியாவின் மிகச்சிறந்த பெண் கேமிங் ஸ்ட்ரீமர்களில் ஒருவர். யூடியூப்பில் 4.5 மில்லியனுக்கும் அதிகமான சந்தாதாரர்களைக் கொண்டுள்ள இவர், BGMI மற்றும் PUBG போன்ற விளையாட்டுகளில் கைதேர்ந்தவர். 2024 ஆம் ஆண்டில் சர்வதேச அளவிலான ‘Dynamic Gaming Creator’ விருதையும் வென்றுள்ளார். இந்தியப் பிரதமர் நரேந்திர மோடியைச் சந்தித்து கேமிங் துறையின் எதிர்காலம் குறித்து விவாதித்த முன்னணி கேமர்களில் இவரும் ஒருவர் என்பது குறிப்பிடத்தக்கது.
More Read
சமூக வலைதளங்களில் ஒரு விஷயம் வைரலாகும் போது அதன் உண்மைத்தன்மையை ஆராயாமல் பகிர்வது எத்தகைய விபரீதங்களை ஏற்படுத்தும் என்பதற்கு இந்த Payal Gaming விவகாரம் ஒரு சாட்சியாக அமைந்துள்ளது.
