கர்நாடகத்தில் குரங்கு காய்ச்சல் பாதிப்பு தீவிரமாக பரவி வரும் நிலையில், தமிழகத்தின் எல்லையோர மாவட்டங்களில் மருத்துவக் கண்காணிப்பைத் தீவிரப்படுத்துமாறு பொது சுகாதாரத்துறை இயக்குனரகம் அறிவுறுத்தியுள்ளது.
இது தொடர்பாக அனைத்து மாவட்ட துணை சுகாதார இயக்குநர்களுக்கும் அனுப்பியுள்ள சுற்றறிக்கையில் கூறியிருப்பதாவது ;
கியாசனூர் வன நோய் (கோஃப்டி) எனப்படும் குரங்கு காய்ச்சல் பாதிப்புக்கு கர்நாடகத்தில் 53 பேர் பாதிக்கப்பட்டுள்ளனர்.உத்தர கர்நாடகத்தில் 37 பேருக்கும், ஷிமோகாவில் 13 பேருக்கும், சிக்மங்களூரில் 3 பேருக்கும் தொற்று ஏற்பட்டு இதில் இருவர் உயிரிழந்துள்ளனர்.கியாசனூர் வனப்பகுயில் கடந்த 1957-இல் கண்டறியப்பட்ட வைரஸ் தொற்று மூலம் இந்தக் காய்ச்சல் பரவி வருகிறது. ஆண்டுதோறும் 400 முதல் 300 பேர் வரை தொற்று பாதிப்புக்கு உள்ளாகின்றனர்.
தொற்றுக்குள்ளான உண்ணிகளால் கடிக்கப்பட்ட குரங்குகள், கால்நடைகள் மூலமாகவும் தொற்றால் உயிரிழந்த குரங்குகளிலிருந்தும் வைரஸ் பாதிப்பு வேகமாக பரவுகிறது. இந்த வைரஸ் நோயால் பாதிக்கப்படுவோருக்கு காய்ச்சல், உடல்வலி, தலைவலி, வாந்தி, ஜீரண மண்டல பாதிப்புகள், ரத்தப்போக்கு ஆகியவை முக்கிய அறிகுறிகளாக கூறப்படுகிறது.
அதேபோல் நோய் தோற்று ஏற்பட்டு ஓரிரு வாரங்களில் பெரும்பலானோருக்கு பாதிப்பு குணமடைந்தாலும் சிலருக்கு தீவிர எதிர்விளைவுகளை ஏற்படுத்தவும் வாய்ப்புள்ளது. பிசிஆர் மற்றும் ரத்தப் பரிசோதனைகள் மூலமாக குரங்கு காய்ச்சல் பாதிப்பை உறுதி செய்ய முடியும்.
இந்த நிலையில், இது தொடர்பாக பல்வேறு முன்னெச்சரிக்கை நடவடிக்கைகளை மேற்கொள்ள வேண்டியது அவசியம். அந்த வகையில் கோளம், கர்நாடக எல்லைகளையொட்டியுள்ள தமிழக மாவட்டங்களில் மருத்துவக் கண்காணிப்பை முன்னெடுக்க வேண்டும். அதேபோன்று காய்ச்சல், தலைவலி, உடல்வலி உள்ளிட்ட அறிகுறிகளுடன் இருப்பவர்களுக்கு உரிய பரிசோதனை நடத்தி பாதிப்பை அறிய வேண்டும்.
மேலும், இது தொடர்பாக பொதுமக்களிடையே விழிப்புணர்வு ஏற்படுத்துவது முக்கியம். குறிப்பாக கால்நடைகளைத் தூய்மையாக பராமரிப்பதையும், காடுகளுக்குள் அவை செல்லாமல் தடுப்பதையும் உறுதி செய்ய வேண்டும். மேலும் தொற்றை பரப்பும் உண்ணி பூச்சிகளை கண்டறிந்து அழிக்க வேண்டும். அதேபோல் பூச்சிகடிகள் ஏற்படாதவாறு முழுமையாக மூடிய ஆடைகளை அணியுமாறு மக்களை அறிவுறுத்த வேண்டும் என்று அவர் தெரிவித்துள்னார்.
