தமிழக அரசியலில் பெரும் எதிர்பார்ப்புகளை ஏற்படுத்தியிருந்த தவெக அரசு மீதான நம்பிக்கை வாக்கெடுப்பு இன்று சட்டப்பேரவையில் நடைபெற்றது. இந்த வாக்கெடுப்பில் முதல்வர் விஜய் தலைமையிலான தவெக அரசு, எதிர்க்கட்சிகளின் கடும் சவால்களையும் மீறி வெற்றி பெற்றுள்ளது. வாக்கெடுப்பின் முடிவில் தவெக அரசுக்கு ஆதரவாக 144 உறுப்பினர்கள் வாக்களித்தனர். இந்த வெற்றி மூலம், ஆட்சி அமைத்ததிலிருந்து நிலவி வந்த பல்வேறு அரசியல் குழப்பங்களுக்கு முற்றுப்புள்ளி வைக்கப்பட்டுள்ளது. முதல்வர் விஜய் தலைமையிலான தவெக அரசு மீதான இந்த நம்பிக்கை வாக்கெடுப்பு வெற்றி, தமிழகத்தின் புதிய அரசியல் அத்தியாயத்தை உறுதிப்படுத்தியுள்ளது. எதிர்க்கட்சியினர் வெளிநடப்பு செய்த போதிலும், ஆளுங்கட்சிக்குக் கிடைத்த இந்த பெரும்பான்மை, தவெக அரசின் அடுத்தகட்ட நிர்வாக நடவடிக்கைகளுக்கு வலு சேர்க்கும் வகையில் அமைந்துள்ளது.
தமிழக சட்டப்பேரவையில் இன்று நடைபெற்ற வாக்கெடுப்பு மிக முக்கியமான திருப்பமாக அமைந்தது. ஆளுங்கட்சியான தவெக, தனது கூட்டணி கட்சிகளின் ஆதரவுடன் இந்த வெற்றியைப் பதிவு செய்துள்ளது. முக்கியமாக, அதிமுகவின் அதிருப்தி பிரிவினரின் ஆதரவு மற்றும் பிற சுயேச்சை உறுப்பினர்களின் ஆதரவு, முதல்வர் விஜய் அரசுக்கு பெரும்பான்மையை உறுதி செய்ய உதவியாக இருந்தன. 234 இடங்களைக் கொண்ட தமிழக சட்டப்பேரவையில், 144 வாக்குகளைப் பெற்றதன் மூலம் அரசு தனது ஸ்திரத்தன்மையை சட்டப்பூர்வமாக நிரூபித்துள்ளது.
