தளபதி விஜய்யின் திரைப் பயணத்தில் ஒரு மிகப்பெரிய மைல்கல்லாகப் பார்க்கப்படும் ‘Jana Nayagan’ (ஜனநாயகன்) திரைப்படத்தின் இசை வெளியீட்டு விழா, மலேசியாவின் புக்கிட் ஜலீல் ஸ்டேடியத்தில் பிரம்மாண்டமாக நடைபெற்றது. இந்த விழாவில் இயக்குநர் எச்.வினோத் (H. Vinoth) மேடையேறிப் பேசியபோது, படம் குறித்து நிலவி வரும் பல்வேறு வதந்திகளுக்கு முற்றுப்புள்ளி வைத்தார்.
‘H Vinoth on Jana Nayagan’ (ஜனநாயகன் குறித்து எச்.வினோத்) பேசியது ரசிகர்களிடையே பெரும் உற்சாகத்தை ஏற்படுத்தியுள்ளது.
“குழப்பங்களை அழித்துவிட்டு வாருங்கள்”
படம் பற்றி நிலவும் சந்தேகங்கள் குறித்து இயக்குநர் பேசியதாவது:
“இந்தப் படம் ரீமேக்கா? பாதியளவுதான் ரீமேக்கா? எனப் பலருக்குப் பல குழப்பங்கள் இருக்கலாம். உங்கள் எண்ணத்தில் எதுவாக இருந்தாலும் அதை அழித்துவிட்டு வாருங்கள். இது 100 சதவீதம் தளபதி படம். நீங்கள் ஆடி, பாடி கொண்டாடுவதற்குப் படத்தில் பல தருணங்கள் உண்டு. அதே நேரத்தில் அமைதியாக அமர்ந்து யோசிக்கவும் பல விஷயங்கள் உள்ளன.”
“அழுகாட்சி கிடையாது.. இது ஒரு ஆரம்பம்!”
படத்தின் க்ளைமாக்ஸ் குறித்துப் பரப்பப்படும் தகவல்களுக்கும் அவர் விளக்கம் அளித்தார்: “படத்தில் கடைசி 15 நிமிடங்கள் ஃபேர்வெல் (Farewell) இருப்பதாகவும், அது ரசிகர்களை அழ வைக்கும் என்றும் சொல்கிறார்கள். ஆனால், படத்தில் அழுகாட்சி எதுவும் கிடையாது. படத்தின் முடிவில் ஒரு பெரிய ‘நம்பிக்கை’ மட்டுமே இருக்கும். ஏனென்றால், தளபதிக்கு இது எண்ட் (End) கிடையாது, இதுதான் பிகினிங் (Beginning)!” என அவர் முழங்கினார்.
விஜய்யின் அரசியல் வருகையைக் கோடிட்டுக் காட்டும் வகையில் அமைந்த இந்த உரை, அரங்கத்திலிருந்த லட்சக்கணக்கான ரசிகர்களை எழுந்து நின்று கைதட்ட வைத்தது.
