தொகுதி மறுவரையறை விவகாரத்தில் மத்திய பாஜக அரசின் நடவடிக்கைகளைக் கண்டித்துத் தமிழகம் முழுவதும் திமுக சார்பில் போராட்டங்கள் வலுத்து வருகின்றன. இந்நிலையில், பிரதமர் மற்றும் உள்துறை அமைச்சரின் வாய்மொழி உறுதிமொழிகளைத் திட்டவட்டமாக நிராகரிப்பதாக முதலமைச்சர் MK Stalin இன்று வெளியிட்டுள்ள அறிக்கை அரசியல் வட்டாரத்தில் பெரும் பரபரப்பை ஏற்படுத்தியுள்ளது.
“சொல் ஒன்று – செயல் வேறு”
நாடாளுமன்றத்தில் நேற்று உரையாற்றிய பிரதமர் மற்றும் உள்துறை அமைச்சர், தொகுதி மறுவரையறையால் தமிழ்நாட்டின் நாடாளுமன்றத் தொகுதிகளின் எண்ணிக்கை குறையாது என வாய்மொழி உறுதி அளித்தனர். இது குறித்துப் பேசிய MK Stalin, “இவர்களின் உறுதிமொழியை நம்ப முடியாது. இவர்கள் தாக்கல் செய்துள்ள சட்டமுன்வடிவு முழுக்க முழுக்க ஏமாற்றுத் திட்டமாக இருக்கிறது. இவர்களுக்குச் சாதகமான நேரத்தில் தொகுதிகளை மாற்றியமைத்துக் கொள்ளும் வகையில் இந்தச் சட்டத்தில் வழிகள் உள்ளன,” என்று குற்றம் சாட்டினார்.
பாதுகாப்பு வேண்டும் – உறுதிமொழி அல்ல!
முன்னாள் பிரதமர்கள் இந்திரா காந்தி மற்றும் வாஜ்பாய் ஆகியோர் பின்பற்றிய நடைமுறையைச் சுட்டிக்காட்டிய முதலமைச்சர், “அவர்கள் 25 ஆண்டுகளுக்குத் தொகுதி மறுசீரமைப்பை நிறுத்தி வைக்க அரசியலமைப்புச் சட்டத்திலேயே திருத்தம் செய்தார்கள். எங்களுக்குத் தேவை அத்தகைய சட்டப்பூர்வப் பாதுகாப்புதான், வெறும் வாய்மொழி உத்தரவாதம் அல்ல,” என்று தெரிவித்தார்.
More Read
விளைவுகளைச் சந்திக்க நேரிடும்
மத்திய அரசிடம் எண்ணிக்கை பலம் இருக்கிறது என்ற திமிரில், மாநிலங்களின் எதிர்ப்பை மீறி இந்த “கருப்புச் சட்டத்தை” நிறைவேற்றக் கூடாது என எச்சரித்த MK Stalin, அவசரகதியில் இந்த மசோதாவை நிறைவேற்றினால் அதற்கான விளைவுகளைத் தமிழ்நாட்டில் பாஜக சந்திக்க வேண்டியிருக்கும் என்று ஆவேசமாகத் தெரிவித்தார்.
தமிழ்நாட்டின் உரிமைகளைச் சில்லு சில்லாக நொறுக்கும் வேலையில் மத்திய அரசு ஈடுபடுவதாகவும், மாநில உரிமைகளைக் காக்கத் தமிழ்நாட்டின் குரலுக்குச் செவிசாய்த்தே ஆக வேண்டும் என்றும் அவர் வலியுறுத்தினார். நாமக்கல்லில் மசோதா நகலை எரித்துப் போராட்டத்தைத் தொடங்கிய முதலமைச்சர், இந்த விவகாரத்தைத் தேசிய அளவில் ஒரு மிகப்பெரிய அரசியல் போராட்டமாக மாற்றி வருகிறார்.
