மத்திய கிழக்கு நாடுகளில் நிலவி வரும் போர்ச் சூழல் காரணமாக எரிசக்தி விநியோகத்தில் சிக்கல்கள் ஏற்படக்கூடும் என்ற அச்சம் எழுந்துள்ள நிலையில், புலம்பெயர் தொழிலாளர்களின் நலனைக் கருத்தில் கொண்டு ஒன்றிய பெட்ரோலிய அமைச்சகம் ஒரு முக்கிய அறிவிப்பை வெளியிட்டுள்ளது.
ஒதுக்கீடு அதிகரிப்பு (5kg LPG Cylinder for Migrants 2026):
புலம்பெயர் தொழிலாளர்கள் தங்களின் பணியிடங்களில் புதிய எரிவாயு இணைப்பு பெறுவதில் உள்ள சிக்கல்களைக் களைய, அவர்களுக்கான 5 கிலோ எல்பிஜி (LPG) சிலிண்டர் விநியோகம் இருமடங்காக (Double) அதிகரிக்கப்பட்டுள்ளது.
- அரசின் கடிதம்: பெட்ரோலிய அமைச்சகச் செயலாளர் டாக்டர் நீரஜ் மிட்டல், அனைத்து மாநிலத் தலைமைச் செயலாளர்களுக்கும் இது தொடர்பாகக் கடிதம் எழுதியுள்ளார்.
- விநியோக முறை: எண்ணெய் நிறுவனங்கள் மூலம் இந்தச் சிறு சிலிண்டர்கள் மாநில நுகர்பொருள் வழங்கல் துறைகளுக்கு வழங்கப்படும். இவை அந்தந்த மாநிலங்களில் உள்ள புலம்பெயர் தொழிலாளர்களுக்கு மட்டுமே வழங்கப்படுவதை உறுதி செய்ய அறிவுறுத்தப்பட்டுள்ளது.
- தேவை அதிகரிப்பு: கடந்த மார்ச் 23 முதல் இதுவரை சுமார் 6.6 லட்சம் சிலிண்டர்கள் விற்பனையாகியுள்ளன. குறிப்பாக ஏப்ரல் 4-ம் தேதி ஒரே நாளில் 90,000-க்கும் மேற்பட்ட சிலிண்டர்கள் விற்பனையாகி சாதனை படைத்துள்ளது.
பெறுவது எப்படி?
புலம்பெயர் தொழிலாளர்கள் எவ்வித முகவரிச் சான்றும் இன்றி, கீழ்க்கண்ட ஏதேனும் ஒரு அடையாள அட்டையைச் சமர்ப்பித்து விநியோகஸ்தர்களிடம் சிலிண்டரைப் பெற்றுக்கொள்ளலாம்:
- ஆதார் கார்டு (Aadhaar Card)
- பான் கார்டு (PAN Card)
- ஓட்டுநர் உரிமம் (Driving License)
- ரேஷன் கார்டு (Ration Card)
