தமிழகத்தின் வீர விளையாட்டான ஜல்லிக்கட்டு போட்டிகள், பொங்கல் பண்டிகையை முன்னிட்டு மதுரையில் மிகவும் கோலாகலமாக நடைபெற உள்ளன. இந்த ஆண்டு நடைபெறவுள்ள Jallikattu போட்டிகளில் பங்கேற்க விரும்பும் காளைகள் மற்றும் மாடுபிடி வீரர்களுக்கான ஆன்லைன் முன்பதிவு இன்று (08.01.2026) மாலை 5 மணியுடன் நிறைவடைகிறது. மதுரை மாவட்ட நிர்வாகத்தின் கீழ் செயல்படும் அதிகாரப்பூர்வ இணையதளம் வாயிலாக நேற்று மாலை 5 மணிக்குத் தொடங்கிய இந்தப் பதிவு நடைமுறை, இன்று இறுதி கட்டத்தை எட்டியுள்ளது.
போட்டிகளின் கால அட்டவணை
மதுரை மாவட்டத்தில் உலகப் புகழ்பெற்ற மூன்று முக்கிய ஜல்லிக்கட்டு போட்டிகள் அடுத்தடுத்த நாட்களில் நடைபெறுகின்றன. அதன்படி:
- ஜனவரி 15 (தை பொங்கல்) – அவனியாபுரம் Jallikattu
- ஜனவரி 16 (மாட்டுப் பொங்கல்) – பாலமேடு Jallikattu
- ஜனவரி 17 (காணும் பொங்கல்) – அலங்காநல்லூர் Jallikattu
இந்த மூன்று போட்டிகளுக்கும் சேர்த்து ஒரே நேரத்தில் பதிவு நடைபெற்று வருகிறது. ஆயிரக்கணக்கான வீரர்கள் மற்றும் காளைகளின் உரிமையாளர்கள் தங்களின் விவரங்களை madurai.nic.in என்ற இணையதளத்தில் பதிவேற்றம் செய்து வருகின்றனர்.
ஒரு காளைக்கு ஒரே வாய்ப்பு
இந்த ஆண்டு மாவட்ட நிர்வாகம் ஒரு முக்கியமான விதியைக் கொண்டு வந்துள்ளது. அதன்படி, அவனியாபுரம், பாலமேடு அல்லது அலங்காநல்லூர் ஆகிய மூன்று ஜல்லிக்கட்டு போட்டிகளில் ஏதேனும் ஒன்றில் மட்டுமே ஒரு காளை பங்கேற்க முடியும். அனைத்துப் போட்டிகளிலும் ஒரே காளையைப் பயன்படுத்த அனுமதி கிடையாது. இந்த விதிமுறை காரணமாக, காளை உரிமையாளர்கள் தங்களுக்கு விருப்பமான களத்தைத் தேர்ந்தெடுத்துப் பதிவு செய்து வருகின்றனர். ஒரு காளையுடன் அதன் உரிமையாளர் மற்றும் நன்கு பழகிய ஒரு உதவியாளர் மட்டுமே வாடிவாசல் பகுதிக்கு அனுமதிக்கப்படுவார்கள்.
தகுதிச் சான்றுகள் சரிபார்ப்பு
இன்று மாலை 5 மணி வரை நடைபெறும் ஆன்லைன் பதிவிற்குப் பிறகு, விண்ணப்பதாரர்கள் சமர்ப்பித்த ஆவணங்கள் தீவிரமாகச் சரிபார்க்கப்படும். காளைகளுக்கான தகுதிச் சான்று, வீரர்களுக்கான உடல்நகுதி மற்றும் காப்பீட்டு விவரங்கள் ஆகியவை ஆய்வு செய்யப்படும். அனைத்துச் சான்றுகளும் சரியாக இருக்கும் பட்சத்தில் மட்டுமே, வீரர்கள் மற்றும் உரிமையாளர்கள் தங்களின் அதிகாரப்பூர்வ ‘டோக்கன்’ (Token) பதிவிறக்கம் செய்ய முடியும். இந்த டோக்கன் வைத்துள்ள நபர்களுக்கு மட்டுமே ஜல்லிக்கட்டு களத்தில் நுழைய அனுமதி வழங்கப்படும்.
More Read
ஆர்வத்துடன் குவியும் விண்ணப்பங்கள்
நேற்று மாலை பதிவு தொடங்கிய சில நிமிடங்களிலேயே இணையதளம் அதிகப்படியான பயனர்களால் பரபரப்பாக இயங்கியது. கிராமப்புறங்களில் உள்ள காளை உரிமையாளர்கள் இ-சேவை மையங்கள் வாயிலாகவும், இளைஞர்கள் தங்களின் மொபைல் போன்கள் மூலமாகவும் இந்தப் பதிவுகளை மேற்கொண்டு வருகின்றனர். இன்று மாலை 5 மணிக்கு மேல், ஒட்டுமொத்தமாக எத்தனை காளைகள் மற்றும் எத்தனை மாடுபிடி வீரர்கள் இந்தப் போட்டிகளில் பங்கேற்க விண்ணப்பித்துள்ளனர் என்ற இறுதிப் பட்டியல் மாவட்ட ஆட்சியர் அலுவலகம் மூலம் வெளியாகும் என்று எதிர்பார்க்கப்படுகிறது.
தமிழகத்தின் கலாச்சார அடையாளமாக விளங்கும் இந்த Jallikattu போட்டிகளை நேரில் காணவும், காளைகளை அடக்கும் வீரர்களின் வீரத்தை ரசிக்கவும் வெளிநாட்டுப் பயணிகளும் மதுரையை நோக்கி வரத் தொடங்கியுள்ளனர். பாதுகாப்புப் பணிகளுக்காகக் கூடுதல் காவலர்கள் நியமிக்கப்பட உள்ளனர் என்பது குறிப்பிடத்தக்கது.
