மத்திய இடைநிலைக் கல்வி வாரியம் (CBSE), தேசிய கல்விக் கொள்கை-2020-ன் அடிப்படையில் 10-ஆம் வகுப்பு பொதுத் தேர்வில் புதிய மாற்றங்களை அறிவித்துள்ளது. அதன்படி, 2026-ஆம் ஆண்டு முதல் 10-ஆம் வகுப்பு மாணவர்களுக்கு ஒரு கல்வி ஆண்டில் இரண்டு பொதுத் தேர்வுகள் நடத்தப்படும் எனத் தகவல் வெளியாகியுள்ளது. இந்த அறிவிப்பு, மாணவர்களுக்கும், பெற்றோர்களுக்கும் ஒரு முக்கியமான செய்தியாகப் பார்க்கப்படுகிறது.
மத்திய இடைநிலைக் கல்வி வாரியம் (CBSE), தேசிய கல்விக் கொள்கை-2020-ன் அடிப்படையில் 10-ஆம் வகுப்பு பொதுத் தேர்வில் புதிய மாற்றங்களை அறிவித்துள்ளது. அதன்படி, 2026-ஆம் ஆண்டு முதல் 10-ஆம் வகுப்பு மாணவர்களுக்கு ஒரு கல்வி ஆண்டில் இரண்டு பொதுத் தேர்வுகள் நடத்தப்படும் எனத் தகவல் வெளியாகியுள்ளது. இந்த அறிவிப்பு, மாணவர்களுக்கும், பெற்றோர்களுக்கும் ஒரு முக்கியமான செய்தியாகப் பார்க்கப்படுகிறது.
மத்திய அரசின் நேரடி கட்டுப்பாட்டில் இயங்கும் CBSE வாரியத்தின் கீழ் நாடு முழுவதும் 29,000-க்கும் மேற்பட்ட பள்ளிகள் செயல்படுகின்றன. இந்த வாரியம் ஆண்டுதோறும் 10 மற்றும் 12-ஆம் வகுப்பு மாணவர்களுக்கு பொதுத் தேர்வுகளை நடத்துகிறது. மாணவர்களின் கல்வித் தரத்தை மேம்படுத்தும் நோக்கில், தேசிய கல்விக் கொள்கை 2020-ன் கீழ், தேர்வுகளில் சில சீர்திருத்தங்கள் கொண்டுவரப்பட்டுள்ளன. இதன் ஒரு பகுதியாக, மாணவர்களின் மதிப்பெண் அழுத்தத்தைக் குறைக்கவும், அவர்கள் தங்கள் செயல்திறனை மேம்படுத்திக்கொள்ளவும் இந்த இருமுறை தேர்வு முறை அறிமுகப்படுத்தப்பட உள்ளது.
பிப்ரவரி மற்றும் மே மாதங்களில் தேர்வுகள்:
அதிகாரிகள் வெளியிட்டுள்ள தகவலின்படி, முதல் பொதுத் தேர்வு பிப்ரவரி மாதத்திலும், இரண்டாவது பொதுத் தேர்வு மே மாதத்திலும் நடைபெறும். பிப்ரவரி மாதத் தேர்வுக்கான முடிவுகள் ஏப்ரல் மாதத்திலும், மே மாதத் தேர்வுக்கான முடிவுகள் ஜூன் மாதத்திலும் வெளியிடப்படும். இந்தத் திட்டத்தின்படி, பிப்ரவரி மாதத் தேர்வை எழுதுவது அனைத்து மாணவர்களுக்கும் கட்டாயம். அதேநேரம், மே மாதத் தேர்வை, பிப்ரவரி தேர்வில் பெற்ற மதிப்பெண்களை உயர்த்திக்கொள்ள விரும்பும் மாணவர்கள் மட்டும் எழுதலாம். இதன் மூலம், முதல் தேர்வில் குறைவான மதிப்பெண் பெற்றவர்கள், தங்கள் முயற்சியை மேம்படுத்திக்கொண்டு இரண்டாவது தேர்வில் சிறப்பாகச் செயல்பட ஒரு வாய்ப்பு கிடைக்கும்.
More Read
இந்தத் திட்டத்திற்காக CBSE கடந்த பிப்ரவரி மாதம் ஒரு வரைவு அறிக்கையை வெளியிட்டது. அதில் சில மாற்றங்கள் செய்யப்பட்டு, தற்போது அதற்கான இறுதி ஒப்புதலை CBSE குழு வழங்கியுள்ளது. இந்த மாற்றம், மாணவர்களின் மன அழுத்தத்தைக் குறைத்து, அவர்கள் சிறப்பாகப் படிக்க உதவும் என்று கல்வி ஆர்வலர்கள் கருதுகின்றனர். இருப்பினும், அகமதிப்பீட்டுத் தேர்வுகள் (Internal Assessments) வழக்கம்போல் ஆண்டுக்கு ஒருமுறை மட்டுமே நடத்தப்படும் என்பது குறிப்பிடத்தக்கது.
இந்த புதிய தேர்வு முறை 2026 கல்வி ஆண்டு முதல் அமலுக்கு வரும் என்பதால், தற்போது 9-ஆம் வகுப்பு படித்து வரும் மாணவர்கள் இந்த நடைமுறைக்குக் கீழ் வருவார்கள். இந்த மாற்றம் குறித்த கூடுதல் வழிகாட்டுதல்கள் விரைவில் வெளியிடப்படும் என எதிர்பார்க்கப்படுகிறது.
