பிரதமர் மோடியின் வாழ்க்கை வரலாறு திரைப்படத்தில் மோடியின் கேரக்டரில் சத்யராஜ் நடிக்க இருப்பதாக கடந்த சில நாட்களாக இணையத்தில் செய்திகள் பரவி பேசுபொருளானது. இந்நிலையில் ’மழை பிடிக்காத மனிதன்’ திரைப்படத்தின் செய்தியாளர் சந்திப்பின்போது நடிகர் சத்யராஜிடம் மோடியாக நடிக்க போகிறீர்களா என்ற கேள்விக்கு அவர் விளக்கம் அளித்துள்ளார்.
பிரதமர் மோடி வாழ்க்கை வரலாறு திரைப்படத்தில் நடிப்பதற்கு தன்னிடம் யாரும் இதுவரை அணுகவில்லை என்றும், அதே நேரத்தில் மோடி வாழ்க்கை வரலாறு திரைப்படத்தை எனது நண்பர் மணிவண்ணன் போன்றவர்கள் இயக்கினால் உண்மையாக இருக்கும் என்று கூறினார். மேலும் இந்த படத்தை விஜய் மில்டன், வெற்றிமாறன், பா ரஞ்சித், மாரி செல்வராஜ் போன்றவர்கள் இயக்கினால் நன்றாக இருக்கும் என்றும் அவர் பதில் கூறியுள்ளார்.
