டாக்டர் அப்துல் கலாம் பிறந்தநாள்: இன்று உலக மாணவர் தினம்
இந்தியாவின் 11-வது குடியரசுத் தலைவரும், புகழ்பெற்ற விஞ்ஞானியுமான டாக்டர் ஏ.பி.ஜே. அப்துல் கலாமின் பிறந்தநாள் இன்று (அக்டோபர் 15) கொண்டாடப்படுகிறது. இவரது மாணவர் மீதான ஈடுபாட்டைக் கௌரவிக்கும் விதமாக, ஐக்கிய நாடுகள் சபை இவரது பிறந்தநாளை ‘உலக மாணவர் தினமாக’ அறிவித்தது.
1931-ஆம் ஆண்டு ராமேஸ்வரத்தில் ஏழ்மையான குடும்பத்தில் பிறந்த கலாம், இளம் வயதில் செய்தித்தாள் விநியோகித்து கல்வி கற்றார். திருச்சி புனித வளனார் கல்லூரி மற்றும் சென்னை தொழில்நுட்பக் கழகத்தில் படித்தார்.
‘ஏவுகணை நாயகன்’ எனப் போற்றப்படும் இவர், அக்னி, பிரித்வி போன்ற ஏவுகணைகள் மற்றும் இந்தியாவின் அணுசக்தித் திட்டங்களில் முக்கியப் பங்காற்றினார். நாட்டின் உயரிய விருதான ‘பாரத ரத்னா’ பெற்றவர். 2002 முதல் 2007 வரை “மக்களின் ஜனாதிபதி”யாகப் பணியாற்றினார். அவரது தன்னலமற்ற சேவை, கடின உழைப்பு மற்றும் மாணவர்கள் மீதான அக்கறை ஆகியவை இன்றும் கோடிக்கணக்கான இளைஞர்களுக்கு உத்வேகம் அளித்து வருகின்றன.
