‘அன்பானவன் அசராதவன் அடங்காதவன்’, ‘காதலை தேடி நித்யானந்தா, ‘வெர்ஜின் மாப்பிள்ளை’, ‘பஹீரா’ உள்ளிட்ட படங்களை இயக்கியவர் ஆதிக் ரவிச்சந்திரன். தமிழ் சினிமாவில் முன்னணி இயக்குனர்களில் ஒருவரான இவர் கடந்த 2015-ம் ஆண்டு வெளியான ‘திரிஷா இல்லனா நயன்தாரா’ படத்தின் மூலம் இயக்குனராக அறிமுகமானார்.
கடந்த ஆண்டு இவர் இயக்கத்தில் விஷால், எஸ்.ஜே.சூர்யா ஆகியோர் நடிப்பில் வெளிவந்த ‘மார்க் ஆண்டணி’ மிகப்பெரிய ஹிட் அடித்தது. இந்நிலையில், ‘மார்க் ஆண்டணி’ படம் வெளியாகி ஒரு வருடம் நிறைவடைந்துள்ளது. இதனையடுத்து ஆதிக் ரவிச்சந்திரன் நெகிழ்ச்சிப் பதிவு ஒன்றை பதிவிட்டுள்ளார். அதில், படக்குழுவுக்கு நன்றி தெரிவித்த ஆதிக் ‘எனக்கு நம்பிக்கை கொடுத்த அஜித் சாருக்கு நன்றி’ என்றும் கூறியுள்ளார்.
தற்போது,மைத்ரி மூவி மேக்கர்ஸ் நிறுவனம் தயாரிப்பில் அஜித் நடித்து வரும் ‘குட் பேட் அக்லி’ படத்தை ஆதிக் ரவிச்சந்திரன் இயக்கி வருகின்றார். தேவிஸ்ரீ பிரசாத் இசையமைக்கும் இந்த படம் அடுத்த ஆண்டு பொங்கல் தினத்தில் வெளியாகும் என்று அறிவிக்கப்பட்டுள்ளது.