நடிகர் விஜய்யின் இரண்டாவது மாநில மாநாடு நேற்று மதுரையில் பிரம்மாண்டமாக நடைபெற்றது. பல்லாயிரக்கணக்கான ரசிகர்கள் மற்றும் கட்சி உறுப்பினர்கள் திரண்ட இந்த மாநாடு, ஒருபுறம் வெற்றியாகக் கொண்டாடப்பட்டாலும், மறுபுறம் நடிகர் தாடி பாலாஜியின் விமர்சனத்தால் சர்ச்சைக்குள்ளாகி இருக்கிறது. இந்த மாநாடு குறித்து இன்று அவர் வெளியிட்ட பதிவு மற்றும் பத்திரிகையாளர் உரையாடலில் தெரிவித்த கருத்துகள், தமிழக வெற்றி கழகம் வட்டாரத்தில் பெரும் பரபரப்பை ஏற்படுத்தியுள்ளன.
“முதலில் உங்களுடன் இருப்பவர்களிடம் இருந்து உங்களை காப்பாற்றிக் கொள்ளுங்கள்”
தாடி பாலாஜி தனது சமூக வலைத்தளப் பதிவில், “முதலில் உங்களுடன் இருப்பவர்களிடமிருந்து உங்களை காப்பாற்றிக் கொள்ள வேண்டும்” என்று குறிப்பிட்டுள்ளார். இது, விஜய்யின் அணியில் உள்ள சிலரை மறைமுகமாகச் சாடும் விதமாகப் பார்க்கப்படுகிறது. ஒரு பத்திரிகையாளருடனான தொலைபேசி உரையாடலில் அவர், “இந்த மாநாட்டில் சரியான வழிகாட்டுதல்கள் இல்லை; முதல் மாநாட்டைக் காட்டிலும் இது சற்று குழப்பமாக இருந்தது” எனக் கூறியிருக்கிறார்.
கட்சியினர் மீது நேரடி குற்றச்சாட்டு
தாடி பாலாஜியின் கூற்றுப்படி, விஜய்யை அவரது கட்சியினரே நேரில் சந்திக்க முடியாத நிலை உள்ளதாகத் தெரிவித்துள்ளார். சமீபத்தில், கவின் ஆணவ கொலை அஜித் லாக்கப் மரணம் தொடர்பான பிரச்சனைகளில் விஜய் நேரடியாக அவர்களின் வீடுகளுக்குச் சென்று ஆதரவு தெரிவித்தார். இது போன்ற மக்கள் நலன் சார்ந்த விஷயங்களை மாநாட்டில் பேசாமல், மீண்டும் மீண்டும் அரசியல் கட்சிகளை (பாஜக, திமுக) விமர்சிப்பது தேவையற்றது என்றும், மக்கள் சந்திக்கும் வாக்கு போன்ற பிரச்சனைகள் பற்றி விவாதித்திருக்க வேண்டும் என்றும் அவர் வலியுறுத்தியுள்ளார்.
More Read
மாநாட்டில் கலந்துகொண்ட பலர், விஜய்யை பார்த்த மகிழ்ச்சியில் கிளம்பிச் சென்றனர் என்றும், அவர்கள் இன்னும் ரசிகர்களாகவே உள்ளனர் என்றும் அவர் சாடினார். இது, கட்சி உறுப்பினர்கள் இன்னும் ஒரு ரசிகர் மனநிலையிலேயே உள்ளனர் என்பதைக் குறிப்பதாகப் பார்க்கப்படுகிறது. மேலும், விஜய்யின் உரை திடீரென முடிந்தது குறித்தும், “விக்கரவாண்டி மாநாடு சிறப்பாக இருந்தது, ஆனால் மதுரை மாநாட்டில் குழப்பம் அதிகம் தெரிந்தது” என்றும் அவர் விமர்சித்துள்ளார்.
“விஜய் ஒரு பிராண்ட்… அதை நீங்களே அழிக்கிறீர்கள்!”
தாடி பாலாஜி தனது உரையாடலில், “விஜய் என்பது ஒரு பிராண்ட். ஆனால், அந்த பிராண்டை அழிக்கிற வேலையை நீங்கள்தான் செய்து கொண்டிருக்கிறீர்கள்” என்று கட்சியினரையே நேரடியாகக் குற்றம் சாட்டினார். இது, கட்சியின் உள் கட்டமைப்பில் உள்ள நிர்வாகக் கோளாறுகளைச் சுட்டிக்காட்டுவதாகக் கருதப்படுகிறது. மேலும், “வேட்பாளர்கள்மீது நம்பிக்கை இல்லையா? விஜய் சார் எங்கு நின்றாலும் அவர் வெற்றி பெறுவார்” என்றும் அவர் நம்பிக்கை தெரிவித்துள்ளார்.
More Read
தாடி பாலாஜியின் இந்த கருத்துகள், விஜய் மக்கள் இயக்கத்தில் சில உட்பூசல்கள் இருப்பதற்கான அறிகுறிகளாக பார்க்கப்படுகின்றன. கட்சியின் எதிர்காலம் மற்றும் அதன் செயல்பாடுகள் குறித்து பல கேள்விகள் எழுந்துள்ளன.
