தமிழக சட்டப்பேரவையில் இன்று பெண்கள் பாதுகாப்பு மற்றும் சட்டம் ஒழுங்கு குறித்த காரசாரமான விவாதம் நடைபெற்றது. இந்த விவாதத்தின் போது குறுக்கிட்டுப் பேசிய தமிழக முதலமைச்சர் Stalin அவர்கள், பாரதிய ஜனதா கட்சி ஆளும் மாநிலங்களில் நிலவும் பாதுகாப்பு குறைபாடுகளைச் சுட்டிக்காட்டி மிகக்கடுமையான விமர்சனங்களை முன்வைத்தார். குறிப்பாக, பாஜாக சட்டமன்ற குழுத் தலைவர் நயினார் நாகேந்திரனின் கேள்விகளுக்குப் பதிலளிக்கும் விதமாக முதலமைச்சரின் உரை அமைந்தது.
முதலமைச்சர் Stalin தனது உரையில், “இந்தியாவிலேயே தமிழகத்தில்தான் பெண்களுக்குப் பாதுகாப்பு மிகச்சிறப்பாக உள்ளது என்பதை நான் சொல்லவில்லை, ஒன்றிய அரசின் அதிகாரப்பூர்வ தரவுகளே (NCRB Data) உறுதிப்படுத்துகின்றன. ஆனால், பாஜாகவினர் தமிழகத்தில் சட்டம் ஒழுங்கு சரியில்லை என்பது போன்ற ஒரு மாயத் தோற்றத்தை உருவாக்க முயற்சிக்கிறார்கள். உண்மையில், பாஜக நேரடியாகவும் மறைமுகமாகவும் ஆட்சி செய்யும் மாநிலங்களில்தான் பெண்களுக்கு எதிரான வன்முறைகள் நாள்தோறும் அதிகரித்து வருகின்றன” என்று ஆணித்தரமாகக் குறிப்பிட்டார்.
தொடர்ந்து பேசிய Stalin, “பாஜக ஆளும் மாநிலங்களில் பெண்களுக்குப் பாதுகாப்பு இல்லை என்பதை உரிய ஆதாரங்களுடனும், புள்ளிவிவரங்களுடனும் விளக்க நான் தயாராக இருக்கிறேன். அந்தப் கசப்பான உண்மைகளை ஏற்றுக்கொள்ள நீங்கள் (பாஜகவினர்) தயாரா?” என்று சட்டப்பேரவையில் நேரடிச் சவால் விடுத்தார். இந்தச் சவாலால் அவையில் சற்று நேரம் பரபரப்பு நிலவியது. தமிழகத்தில் பெண்கள் எந்நேரமும் சுதந்திரமாக நடமாடும் சூழல் நிலவுவதாகவும், பெண்களுக்கு எதிரான குற்றங்கள் தடுக்கப்படுவதில் திராவிட மாடல் அரசு சமரசமற்ற போக்கைக் கடைப்பிடிப்பதாகவும் அவர் தெரிவித்தார்.
சமூக வலைதளங்களில் பரப்பப்படும் வதந்திகளை நம்பிப் பேசாமல், கள நிலவரத்தைப் புரிந்து கொள்ள வேண்டும் என அறிவுறுத்திய Stalin, மணிப்பூர் மற்றும் உத்தரப் பிரதேசம் போன்ற மாநிலங்களில் பெண்களுக்கு எதிராக நடக்கும் கொடூரங்களை மறைமுகமாகச் சுட்டிக்காட்டினார். தமிழக காவல்துறையின் ‘காவலன் எஸ்.ஓ.எஸ்’ செயலி மற்றும் பிங்க் ரோந்து வாகனங்கள் போன்ற திட்டங்கள் பெண்களின் பாதுகாப்பை உறுதி செய்வதில் முன்னோடியாக இருப்பதை அவர் பட்டியலிட்டார்.
பெண்கள் முன்னேற்றத்திற்காகவே கட்டணமில்லா பேருந்து பயணம், புதுமைப்பெண் திட்டம் போன்ற புரட்சிகரமான திட்டங்களைச் செயல்படுத்தி வரும் நிலையில், அவர்களின் பாதுகாப்பிலும் எவ்வித தொய்வும் ஏற்பட அரசு அனுமதிக்காது என்று Stalin உறுதிபடக் கூறினார். எதிர்க்கட்சிகள் முன்வைக்கும் குற்றச்சாட்டுகள் அனைத்தும் அரசியல் உள்நோக்கம் கொண்டவை என்றும், தரவுகளின் அடிப்படையில் தமிழகம் ஒரு பாதுகாப்பான மாநிலமாகவே தொடர்ந்து திகழ்கிறது என்றும் முதலமைச்சர் தனது உரையை நிறைவு செய்தார்.
More Read
இந்த விவாதம் தமிழக அரசியலில் பெரும் விவாதத்தை ஏற்படுத்தியுள்ளது. குறிப்பாக, ஒன்றிய அரசின் தரவுகளை வைத்தே பாஜகவை நோக்கி Stalin கேள்வி எழுப்பியது, ஆளுங்கட்சி தரப்பில் பெரும் வரவேற்பைப் பெற்றுள்ளது.
