கரூர் கூட்டநெரிசலில் உயிரிழந்தவர்களுக்கு தமிழக சட்டப்பேரவையில் இரங்கல்

பரபரப்பான அரசியல் சூழலில் தமிழக சட்டப்பேரவை கூட்டம் இன்று துவங்கியது. இந்த கூட்டத்தொடரை வெள்ளிக்கிழமை வரை நடத்த முடிவு எடுக்கப்பட்டுள்ளது என சபாநாயகர் அப்பாவு தெரிவித்துள்ளார். 

இன்று சட்டமன்றப் பேரவையில், கரூரில் 27.9.2025 அன்று கூட்ட நெரிசலில் உயிரிழந்தவர்கள், கேரள மாநில முன்னாள் முதலமைச்சர் திரு. வி.எஸ். அச்சுதானந்தன், ஜார்க்கண்ட் மாநில முன்னாள் முதலமைச்சர் திரு. சிபு சோரன், நாகாலாந்து மாநில ஆளுநர் திரு. இல. கணேசன்,
இந்தியக் கம்யூனிஸ்ட் கட்சியின் முன்னாள் பொதுச் செயலாளர் திரு. சுதாகர் ரெட்டி, தமிழ்நாடு அரசின் முதன்மைச் செயலாளர் மரு. பீலா வெங்கடேசன், சட்டமன்றப் பேரவை உறுப்பினர் திரு. டி.கே. அமுல் கந்தசாமி ஆகியோரது மறைவிற்கு இரங்கல் தீர்மானங்களும்,
சட்டமன்றப் பேரவை முன்னாள் உறுப்பினர்கள் மறைவிற்கு இரங்கல் குறிப்புகளும் நிறைவேற்றப்பட்டு, மௌன அஞ்சலி செலுத்தப்பட்டது.